Мехка паччахьа викало Чайка Юре кхоачашдир берий дагалаттараш
Балхаца дувзаденна вай мехка вена хилар, Къилбаседа Кавказа куран тӏагӏолла вола Россе Паччахьа викал Чайка Юрий. «Дагалаттарий корсам» яхача ерригача Россе болама чудоагӏаш, цун вӏашагӏкхетар хилар вайцигарча берашца. Республикан зӏамигача бахархошта, цар шоай каьхаташ тӏа дийха хинна совгӏаташ делар.
Юрий Яковлевича кхоачашдир кхаь бера дехараш. Ворхӏ шу даьннача Овшанаькъан Хьавайнеи кхойтта шу даьннача Макканнеи къамаьл ду колонка, мосаш нийсъерг елар. Ийс шу даьннача Оздой Аьсета дукхача хана денз цо сатийса шведски лоами белар, цо гӏо дергда йиӏига спортаца хьоашал леладе а дегӏааха а.
Паччахьа викало берашка аьлар, шоаех бӏубенна, дика дешаш хила, шоай уйлаш кхоачашъярга майрра гӏо.
Ший аргӏагӏа вай Мехкадас баркал аьлар Чайка Юрена, Гӏалгӏайчен бераш иштта лархӏарах. Цо белгалдаьккхар, бераш цу тайпарча моттигашка чӏоагӏа сатувсаш, хьежаш хул, аьнна; цудухьа геттара лоархӏаме да цу хана царна юхе дегагӏоз яла а тамашийнача хӏамаех уж тешаде а саг нийсвалар. «Дагалаттарий корсамо» дукха дика уйлаш сомайоах, бераш тешаду кердача шера цӏайца ювзаенна хулаш йолча тамашах.
