ГӀибухерча-Малхбузен федеральни куран тӀарча ГӀалгӀайчен викалаша 2024-ча шера бе беза болх белгалбир
10.01.2024 10:23
СЗФО вай викалаша, Санкт-Петербургерча къамашта юкъерча бувзамех йолча комитета укх шера шоаш дӀабахьа лерхӀача балха къоастам бир. Из хоам «Сердало» газетага бир цигарча къахьегамхоша. «ГӀибухен-Малхбузен федеральни куран тӀарча ГӀалгӀайчен викалаша, Санкт-Петербургерча къамашта юкъерча бувзамех йолча комитета хьалха латтача Капитанов Олегаца, кхетаче дӀайихьар. Дувца оттадаь керттера хаттараш дувзаденна дар тӀема операцен юкъе дакъа лоацаш болча СЗФО, ГӀалгӀай мехка бахача вай къаман нахаца.
Иштта цар дийцар, дӀахойодача хана дӀабахьа безача балхах», - йоах тхогарча хоамо. Капитанов Олега доккха баркал аьлар вай къамах болча ший балха новкъосташта, бехктокхаме, боаггӀача боараме шоай болх дӀабахьарах. Комитета кулгалхоша хьоахадир, Санкт-Петербургерча къамий ЦӀагӀа гӀалгӀай къаман культураца, истореца, къаман лоархӀамедарашца дувзаденнараш довзийтача дика хургдар, аьнна.
ГӀалгӀайчен массазарча викалаша, геттара раьза болаш, тӀаийцар из дош, укх шерарча ахкан хана ГӀалгӀай паччахьалкхен ди дездергда вай цхьана, аьнна, тӀадам оттабеш.
