ГIалгIайчен эскаре Iамалде тIахьехарашта хьалхадоаккх, водитела говзал, мах боацаш караерзаяр
О возможности бесплатного обучения в автошколе молодежи призывного возраста напомнили в Малгобекском районе. Руководитель администрации муниципального образования Камбулат Кузьгов провел совещание с участием глав местного самоуправления и военкома Малгобека Микаила Гандалоева, на котором обсуждался этот вопрос.
Кхузнаькъан Къамбулата дийцар, эскаре Iамал де тIахьехача зIамигача сагага, водитела курсаш яьха каьхат хилча, ше дIакхаьчача, тIема технически гIирса водитель волаш эскарера ха яккха йиш йолаш из хилар, ше Iамал деча юкъа цо дика Iомаергья караерзаяь водитела говзал, иштта водитела стаж а хургья цун.
ГIоандалой Микаьила аьлар, моллагIа эскаре ваха веза саг, ший водитела говзал караерзае безам хиларах хоам бой, мах а боацаш, ДОСААФ дешар Iомаде йиш йолаш ва аьнна. Деша оттара эшаш дола каьхаташ хьада деза а, уж малагIаш да а ха йиш я тIема комиссариате«, — аьлар «Сердало» газетага МагIалбика района администраце.
Кхузнаькъан Къамбулата моттигерча администрацей кулгалхошта тIадиллар, цунах бола хоам дIа-юха боаржабе аьнна, цу хьакъехьа тIема комиссариатаца дагавоалаш хилар а, безам барашта автошколе дешийта таро ялар а лоархIаме да аьлар цо.
