Мария Львова-Белова ера Гӏалгӏай мехка газ ийккха човнаш хиннача нахага хьажа
Россе Президента балха чуйоагӏа берий бокъонех йола викал, «Бераш хьаллацара Фонда» Юкъарлон- паччахьалкхен цхьанкхетара кулгалхо Львова-Белова Мария ена хилар Пригородни кхален доазон тӏа, шоай доалахьарча цӏагӏа газ ийккха ялх саг лозаваьча. Цу тайпара Кердача юрта ялх саг човнаш хинна лозавир, цу юкъе пхи бер долаш. Уж, карарча хана, Гӏалгӏайчен лорий дарбанчешка ба, лораша тӏахьожам лоаттабеш, цига эшаш мел дола хьалаш лоаттаду, лакха лорий говзал йола новкъостал ду царна.
«Ши бер рианемаце да. Даьла къахетамах, уж довра кхерам болаш дац. Кхоъ саг травматологе ва. Цар хьал юкъерча боараме лоархӏаш да. Эшаш дола лорий новкъостал лоаттаду царна. Баркал хилда Гӏалгӏайчен Берий республикански, Ужахьанаькъан К.Р. цӏерагӏча клинически дарбанченна. Нана хӏанз хьакхийтта, сакхетам чу я. Лораша яхачох, кастлуш уж дезал вӏашагӏкхетаргба. Са къамаьл хилар цар гаргарча нахаца - даьца, даь- даьца, даь-наьнаца, даь-йижарашца. Оаха дийцар хьалхарча аргӏагӏа берашта федеральни центре дарба дарах. Вӏаштӏехьа ма доалла царна керда фусам эцарах», - яздир берий бокъонаш лораечо ший телеграм-оагӏон тӏа.
Львова-Белова Марияс белгалдир, из хьал даим ший балха новкъостий- Къилбаседа Хӏирийчен Плиева Тамарай, Гӏалгӏайчен Чахкенаькъан Заремай тӏахьожам болаш хилар.
Цига яха йолаш, берий викала мах оттабир лозабаьрашта дарба дара хьалашта, иштта дийцар карарча хана уж малагӏча хьале ба, тӏехьара тӏа уж сихагӏа тоа балара, Царна новкъостал дарах.
