«Даьхен лорабой» Гӏалгӏайчен ганзо, СВО ветераний Ассоциаце вӏаший бувзам лелабергба
Гӏалгӏайчен «Даьхен лорабой» ганза филиала кулгалхочун Абаьданаькъан Ислама, лаьрххӏача тӏема операце ветераний Ассоциаце кулгалхочун Саккхаланаькъан Мусай кхетаче хилар.
«Цига дийца керттера дош дар шоайла бувзам лелабар, иштта СВО бӏухой, цар дезал массайолча оагӏорахьара хьаллацар. Кхетачено таро елар доакъашхошта массехк чоалханегӏа дола хаттар тахка, иштта дӏахо цу даькъ тӏа де дезар белгалде», - аьлар «Сердало» газетага цу ганзе.
Къамаьл деш, оагӏонаша белгалдир даим вӏаший бувзам лелабар лоархӏаме долга. Айхха бувзам лелабаро цу моттигашта таро лургья, СВО ветераний, цар гаргарча наьха хаттараш кхоачашдеча хьалхашка нийслуш дола кхоачамбоацараш сихагӏа юстардаха.
Кхетачен чаккхе еш, Абаьданаькъан Ислама, Саккхаланаькъан Мусас дийцар, шоаш цу гӏулакха кийча хиларах, хӏара бӏухочунга, цар гаргарча нахага деш дола новкъостал дӏакхачийтар лоархӏаме да, аьнна.
