Гӏалгӏайче дӏаболабелар «Гӏалай, легендай лаьтта» яха мохк бовзийтара бӏал
Ардара бетта 22-ча денгара 25-ча денга кхаччалца, «Туризм, хьаьша тӏаэцар» яха къаман проект кхоачашъеш, республикан культуран, туризма Министерствос хьаллоацаш, дӏахьош ба «Гӏалай, легендай лаьтта» яха мохк бовзийта болх. Рекламан бӏал дӏахьош хиларо таро лу туристически оагӏув дегӏайоалаеча даькъ тӏа болх беш болча наха моттигера туристически таронаш гойта. Цу даькъ тӏарча кхелахошта шоай бӏаргашца гургда республикан терко тӏаяхийта мегаргйола оагӏонаш малагӏаш я; иштта мах оттабе, хьаьша тӏаэцара вӏашагӏдехкача хьалашта.
«Укх наькъа, 50 совгӏа туристически цхьанкхетарий викалаша шоашта таронаш лохаргья Гӏалгӏай мехка. Фам-тур - из дӏахо дӏадахьара хьал хинна ӏац, из культуран тӏехьале лораяра, ӏадаташ, сийленгаш лорадара даькъ тӏа юкъедахьа дакъа да. Доакъашхой таро хургья Гӏалгӏайче дикагӏа йовза, уж дакъа лоацаш хургба говзанча хьехамашка, халкъа багахбувцам бовзаш, исторически моттигаш йолча болхаш, моттигерча бахархошца къамаьл деш», - аьлар «Сердало» газетага республикан культуран, туризма зарбан болх лелабераша.
Цу тайпара реклама еш хиларо республикан, федеральни турбазара керте латтарашца дика бувзам чӏоагӏбе таро хул. Из оагӏув дегӏайоалаяро Гӏалгӏайчен экономически керда оагӏонаш хьаелл, иштта из тӏаэц эггара дукхагӏа безам тӏабодаш йола Россе туристически оагӏув санна.
