Гӏалгӏайчен дешархой яхьебаьлар, тиша каьхат гулдеш
Гӏалгӏайче дӏахьош я республикан «Эко-десант» яха тиша каьхат гулдара экологически яхь. Из юкъарлон проект кхоачашъеш я «Кагирхой, бераш» яхача къаман проекта чуйоагӏаш. Из дика гӏулакх дӏадахьар хьаллоацаш я республикан кагирхой гӏулакхех йола Комитет, «Бералла наькъаш» яхача проекта тароний центр.
«Сердало» газетага кагирхой Комитето ма аллара, Гӏалгӏайчен ишколаш кийча хилар из гӏулакх дӏадахьа. Цу лоархӏамеча ӏалам лорадара проекта гонахьа доакъашхой гулбарал совгӏа, кхувш йоагӏача тӏехьенна хьалхадаьккхар культуран бехктокхаме оагӏонаш дӏаяхьарах дола хьал.
Яхьа толамех дикагӏа йолча бархӏ ишкола цӏераш йоахаргья, уж хургья дукхагӏа каьхат гулдаьраш. Котъяьннача тоабаша дешара эша дола совгӏаташ доахаргда - вай заман дукха оагӏонаш чулоацаш йола проекташ.
