ГӏалгӀайчен къоначарна яйзар Калининград
СВО тӀем тӀа даьй бейна вола ГӏалгӀайчера пхи зӀамсаг вахар Калининграде; «Турпалхой бераш: Боккха мохк. Доккха доттагӀал» яхача проекта чудоагӀаш. Цу наькъо хьагойтар, Россе мехкашта юкъера доттагӀал леладаро царна юкъера бувзам чӀоагӀбеш хилар. Из программа дика вӀашагӀъелла яр. ГӏалгӀайчен кагирхой таро хилар, Россе эггара гаьнагӏа йола малхбузе йовзарал совгӀа, цигарча кердач новкъосташца хьоашал тасса. Уж бахар шахьара сийлен моттигашка, дукха керда хӀамаш дайзар дӀаяхача ханашцара.
«Аьхки ГӏалгӀайче баьхка хилар Калининградера кагирхой, уж а бар цу тайпара вахарера халонаш нийсъенна. Хӏанз ГӏалгӀайчен бахархой таро хилар Россе малхбузен мехкара культура, истори довза. «Турпалхой бераш: Боккха мохк. Доккха доттагӀал» яха проект шоайла культура дӀа-юха эцара, вай юкъара дагалоаттам, даьй денал, иштта цар турпалал вай дегашка даима дахаш хилара хетаяь я», - аьлар «Сердало» газетага ГӏалгӀайчен миннаце.
Вай къонача бахархошта цига бахарах доккха совгӀат хилар, шоай бӀаргашца дайра мел боккха ба вай мохк. Калиниграде байзача кердача новкъостша дагалоаттаергья царна цигара йӀовхал.
