Шолжерча хьун боахама болхлой, хьунагӀа бийсан малагӀа хьал да хьежар
Шолжерча хьун боахама болхлой лаьрххӀа арабаьлар Оалкама хьун даькъ тӀа бийсан фу хьал да хьажа. Из болх къаьстта бийсан дӀахьош хилара бахьан дар, бокъонах доацаш наха шоашкара хьу тедаш, хьуна зулам деш хилар, цо ший оагӀорахьара республикан экологена доккха зулам ду.
«Болх дӀахьоча юкъа, бокъонах доацаш хьу тедаш, е кхыдола балхаш деш йола моттиг гучаяланзар. Из кхален бахархой хьунаш лелаярца бехктокхаме болаш хилар да.
Цунца цхьана, хьун боахама болхлоша беррига кхален бахархой тӀахьех, цу деша уж терко еш хилара, бокъонах доацаш цар хьу цатедара, гаьнаш цахерцаяра. Хьун даькъ тӀа бокъонах ца доагӀаш дола хьал леладерашта духьала админинистративни гӀод тохарал совгӀа, уж иштта бехктокхаме а озаргба, республика хинна зе царгара хьа а дехаргда», - аьлар «Сердало» газетага Шолжерча хьун боахаме.
Хьун боахама болхлоша, моттигера бахархой тӀахьех, хьунаш лораяра, кхоачамбоацараш юкъецадитара, тӀехьа тӀайоагӀача тӀехьенна уж йита езилга кхета а деш.
