«Белгалду, промышленность дегӀайоалаяро таро елар бюджете йоала хьачутела ахча дукхагӀа хилийта, из бахьан долаш республиканна лаьрхӀа луш дола ахча 44%-гара 42%-га кхаччалца лохденнад. ВӀашагӀъеллача бюджета ахча лакхделар 9, 2 млрд сомага кхаччалца. Промышленноста даькъ тӀа хьаеча хӀамай таьрахь 117,1% кхаьчад, из Россе гӀолла йиълагӀа моттиг я», - йоах хоамо.

ГӀалгӀайчен Ӏаьдал хьинаре къахьегаш да, инвестицей проекташ шеръергьяр деш, цу гӀулакха пайда лургбола 40 бизнеса оагӀув чӀоагӀъяьй. Царна юкъе я сжижении Ӏалама газ арахецара йола проект, иштта «REMAPLE» яха белгало тӀалатта вахаре эша химе хӀамаш хьаю завод хьалъяр, цо таро лургья 90 керда балха моттиг Ӏалашъе.

«Оаха, уж а кхыйола а проекташ кхоачашъяра кӀийле яьй, цу юкъе мехка экологе даькъ тӀа геттара чӀоагӀа лоархӀаме йола хиш цӀенду чоалх-гӀирсаш хьаду завод я.

Цул совгӀа, аз дийцар кӀалах гӀирсаш дара йола кӀийле яь хиларах, цо таро лургья кӀалах гӀирсаш деш йола а из лоаладеш йола а предприятей цхьоагӀо хьалъе. Цу даькъо теркам тӀаозаш я 11 компани», - аьлар хоамо.

Келаматанаькъан Махьмуд-Ӏаьлас тӀатехар, Президента, бизнес лелаяра дола дика хьалаш хьакхоллар хьаллаьца хилар, из чӀоагӀа лоархӀаме да ГӀалгӀайче экономически дегӀакхувлара. Оаха цу лостамагӀа болх дӀахьу, мохк дика дегӀакхувла, бахархой вахара хьалаш тоаде ловш.