330 совгӀа хьаьший бар шоай самукъадаккха гулбеннараш. РЦДО дешархой болча, цар дог айде аниматораш баьхкабар. Бераш «Россе наьна» аллее ловзача юкъа, хьехархоша, ноаноша шоай лоархӀаме къамаьлаш деш ха дӀайихьар. Мерза даараш, викторинаш, ловзаргаш леладе, сурташ дахка аьттув бар цигарча берий.

«Укх моттиге дешаш тайп-тайпарча оагӀонца могашал эшаенна 236 бер да. Царна юкъе да ДЦП, аутизм, онколги яраш. Иштта авари яьча лозадаь хинна бераш а да укхаза. Тахан вайца дакъа лаца безам болаш, бакъда из аьттув боацаш а бераш да. Укх кхетаченца берашта дӀахьокха гӀерт тхо уж цхьаь доацилга, уж дезараш, лоархӀараш, царга сатувсараш дуккха а болга гонахьа», - дийцар тхога РЦДО кулгалдеча Албохчанаькъан Маликас.