ГӀалгӀайчен росгвардейцаша кхетаче дӀайихьар Наьсарен дешархошца
Наьсарен №4 йолча ишколе, Росгварде викалий кхетаче хилар, боккхагӀа болча дешархошца. Профессиональни балха тӀа лелаю говзал йовзийташ, балхах лаьца дола гӀулакхаш дувцаш, къамаьл дир хьаьшаша. Иштта дешархоша а, цар балхаца дувзаденна, шоашта бакъахьа хеташ дола хаттараш делар. Говзал лакха йолча болхлоша дешархошта довзийтар шоай гӀулакха керттера декхараш, шоашкара дӀадехараш, паччахьалкхено тӀема гӀулакх дӀахьош болча наха лоаттадеча вахара хьалех а дийцар.
«Росгварде викалаша дӀахо довзийтар дешархошта шоашта хьалхашка латта керттера декхараш. ДукхагӀча даькъе, дешархоша луш хинна хаттараш дувзаденна дар Росгварде балха оттарах лаьца, лаьрххӀа дола лакхара дешар дешара малагӀа экзаменаш дӀаяла еза, малагӀа кердадараш ха деза, цига балха отташ волча сагá», - аьлар «Сердало» газетага ГӀалгӀайчен Ӏилман, дешара Министерствон зарбан болх лелабераша.
Из кхетаче вӀашагӀъеллараш тешаш ба, цох дешархоша пайда эцаш хиларах, цар хоржаргья шоашта бакъахьа хеташ йола професси, Росгварде бӀухой мугӀарашка отта а мег уж.
