ГIалгIайчен Росгвардейцаш Сийлахь-Даьймехка тIема ветерана фусам-нана йолча баха хилар
Военнослужащие Управления Росгвардии по Республике Ингушетия совместно с председателем Совета ветеранов тероргана Магомедом Горбаковым побывали в гостях у вдовы ветерана Великой Отечественной войны Зяудина Гайтукиева — Любови Гайтукиевой, сообщили газете «Сердало» в пресс-службе федерального исполнительного органа.
Росгвардейцаш ГIайтакханаькъан дезале массехказа баха хиннабар. БIухочунна фусам-нанас, чIоагIа хоза дог гIоздаьнна тIаийцар уж. Цар иштта дийцар цхьацца вахаре нийсъеннача моттигех, цIен-да виц ца веш ше яхаш хиларах а.
" Айса цунца вахар хоттарах дехке яьнна моттиг яцар са.
Сона хоза хетар тIем тIа хинна цхьацца йола моттигаш цо ювцача хана, цецъювлаш ладувгIар, терко йора аз, из мел чIоагIа Даьхе лораяра са ца кходеш латаш хиннав моастагIчох«, — яхаш дувц фусам-нанас.
Хоам бу,- шоаш цига бахача хана бIухоша цунна могашал а хаьттар, вахара хьалаш а техкар, эшачунца гIо а дир.
ГIалгIай Республике гIолла йолча Росгварде Урхален пресс-служба кертте латтача Сампенаькъан Салима аьлар, росгвардейцаш лоархI, шоаш цу тайпара гIулакхаш де декхарийла ба аьнна, хIана аьлча, Даьхе бахьан байнарий дагалоаттама денош каст-кастта белгалде деза.
Дег чура ГIайтакханаькъан Люба даькъал йийцар хьаьшаша, шоаш иштта хоза тIаэцарах баркал аьлар цунна.
Вайна массанена дика вовзаш хинна дика саг, ГIайтакханаькъан Джамалда Зяудин (Николай) дIакхалхар 2019 — ча шера, ший 96 шу доалаш. Из тIем тIа вахавар 1942 шера, Сталинграда го баьча ханашка 680 полке, 196 — ча стрелкови дивизе телефонист хиннав из.
Цунна еннаяр Сийлахь-Даьймехка хьалхарча, шоллагIча степена орденаш, «Майрал гойтарах», «ТIем тIа карагIдаьннарех», «Сталинград лораярах», «Германегара котало яккхарах», иштта дукха медалеш а яр цунна.
