Дешара министр, берий бокъонех йола викал хьежар, ЕГЭ дӀа мишта хьу
ГӀалгӀайчен дешара, Ӏилман Министерствон кулгалхо Цхьорой Ахьмад-Башир, республикан берий бокъонех викал йола Чахкенаькъан Зарема хилар, Наьсаре ЕГЭ дӀалуча моттигашка.
Цига, берий бокъонех йолча викала белгалдир, дийша боаларашта лаьрхӀа ма хулла дика хьалаш хила дезилга, паччахьалкхен экзаменаш дӀалуча хана.
«Экзамен ший хила езача бокъонех дӀалуш яр, юкъе нийсденна кхоачамбоацараш дацар. ЕГЭ дӀалуш болча балха тӀехьа хьожаш бар Рособрнадзора викалаш, иштта цу юкъе дакъа лаца бехктокхаме бараш.
Вай бераша дика экзаменаш дӀаялар лов, хӀаьта даьй-ноаной - сатем болаш хилар»,-аьлар «Сердало» газетага, ГӀалгӀайчен дешара, Ӏилман Министерстве.
Цхьорой Ахьмад-Башир, Чахкенаькъан Зарема хьежар штабе, аудиторешка, цар дийцар кулгалхошца, ЕГЭ моттигаш вӀашагӀъехкарашца тайп-тайпара дешаш; иштта, экзаменаш дӀалуча хана, юкъе нийслуча кхоачамбоацарех.
