Дешара, Ӏилман министра нах тӀаийцар
ГӀалгӀайчен дешара, Ӏилман Министерствон кулгалхочо Цхьорой Ахьмад-Башира, хӀара кӀира ше дӀахьош бола нах тӀаэцара болх дӀабихьар, цига дакъа лоацаш вар цун гӀонча, доакъой кулгалхой. Укх наькъа наьха хаттараш дар арахьа деша шоай дезал дӀабахийтарца, балха оттарца, иштта деша даха ха йоацача берий моттигашка берашта салаӀара цӀай вӀашагӀдолларца дувзаденна.
«Цига иштта ена хилар шийна ца доагӀаш Ӏодаьха баллаш меттаоттадар дехаш йола дешархо. Цхьорой Ахьмад-Башира цунна хьалхадаьккхар Паччахьалкхен экзаменаш дӀаэцаш йолча комиссега дехар язде, аьнна. ШоллагӀа хаттар дар, ше ишкола кулгалхо хургйолаш балха дӀаэцар, е гӀалгӀай меттала книжкаш тоадеча комиссена юкъеяхийтар дехаш. Цун балха говзал хилар дӀа а лоархӀаш, из цу юкъейихьар», - аьлар «Сердало» газетага цигарча зарбан болх лелабераша.
Каст-каста тӀаэц нах ГӀалгӀайчен дешара, Ӏилман Министерстве, цо таро хулийт наьха нийслуш дола хаттараш сиха кхоачашде. Цу тайпарча хьале, наьха а вӀаштӀехьадоал кулгалхошка шоашта къувлаш дола хаттараш дала.
