Республикан зӀамига бахархой «Ӏан фаьлгага» хьежар
Керда шу хьатӀадоагӀаш, эггара зӀамагӀа бола вай республикан бахархой баха хилар берий театре. Цига царна гойтар Хазанаькъан Лейлас оттадаь тамашийна Ӏан сурташ, яхаш, хоам бу газета корреспондентага цигарча болхлоша.
«Спектаклага хьажарах йоккха дегагӀоз а салоӀам а хилар берашта. Жуккаргаца цхьана уж лайзар дӀадодача шера белгалонца - Сармакаца, хьатӀадоагӀача шера белгалонца - БӀехалца. ГӀордадаца, Лаьлигаца хьунагӀа нийсъенна сакъердаме моттигаш яйзар хьажархошта. СовгӀаташ ийца бераш долча дӀакхачар духьа, цар ла йийзар цхьацца халонаш, унзара моттигаш, хӀаьта а цар кхоачашхилийтанзар унзарча бӀобе уйла, Кикиморай кетарлонаш», - дувц театра зарбан болх лелабеча ПхьарагӀолганаькъан Марианнас.
«Сона кхаъ хиннаб берашта спектакль езеяларах, юхь тӀа белам болаш уж дӀадахарах. Тха тоабо ший хур даьдар шеддар дика де гӀерташ; хетаргахьа, тхона из карагӀдаьлар, лийрхӀачунга кхаьчар тхо», - аьлар Кикиморай юхь ловзаяьча артисткас Чуранаькъан Миланас.
