Сенатор волча Илезанаькъан Микаила бахархой тӏаийбеш ди дӏадихьар
«Цаӏ йолча Россе» бахархой тӏаийбеча юкъарча моттиге кхетаче дӏахьош хилар сенатор Илезанаькъан Микаил. Иштта цига дакъа лоацаш бар Халкъа Гуллама депутат Далганаькъан Ровзат, министерствошкара, цхьацца болх дӏахьоча моттигашкара хьакимаш.
«Тайп-тайпара хаттараш дашха тӏаухаш бар нах. Могаш доацача шоай берашта заӏапхой хиларах тешал деш дола каьхат хьаэца новкъостал де, яхаш, латкъаш яр ши кхалсаг. Илезанаькъан Микаила, ше тӏахьожам беш, чакхбоаккхийтаргба аьлар из болх.
Цхьаьккха вахархо латкъаш вар; пенси соцадаьд ший, яхаш. Дикка тохкам бергба цу гӏулакха а бехктокхаме бараша. Урамах СВО доакъашхо хиннача сага цӏи тиллар дехаш тӏавенавар цхьа вахархо, сенатора моттигерча администрацеца бувзаме ваьнна, доашхаргда аьлар из гӏулакх», - дийцар «Сердалога» мехкарча Паччахьалкхене.
Белгалде деза, иштта йола кхетаченаш каст-каста дӏакхахьар лоархӏаме долга, бахархошта къувлараш ишттача наькъаца дикагӏа гучадоалилга.
