ГӏалгӀайчен столицера «Ишкол 21» керда дешархой хьаийбеш я
Магасерча ИТ-Академе даькъ тӀа дӀаболабу «Ишкол 21» керда дешархой хьаэцаш бола болх. Проекто таро лу, хоамий технологей даькъ тӀа эшаш йола профессеш Ӏомаяра наӀараш хьаелла.
Из программа лаьрхӀа я 18 шерал тӀех ха яьннарашта, цар дийша хиларга е профессен говзалга хьежжа доацаш. Диплом а программировани ховш хилар а цига эшаш дац. Кхоачам болаш да, шиъ онлайн-ловзар дӀадахьар, фу кхетадеш ва хара, иштта «Ишкол 21» видеога хьажар.
«САФМАР» тоабо, из хьакхеллача мецената Гуцаранаькъан Микаила новкъосталца, оаха ГӏалгӀайче дегӀайоалаю дешара оагӀув, иштта паргӀатта ИТ никъ хьабеллара йола таронаш», - аьлар мехка Кулгалхочо керда дешархой хьаэцарах дувцаш.
Аьтинга бетта 23-ча дийнахьа уж хьахаржара болх дӀаболабергба. Цига дакъа лаца безам бараша аьтинга бетта 19-ча денга кхачале дехар чудала деза.
