Магасерча «Фермерий ишколо» юха 30 студента наӏараш хьайийллар
Тахан Гӏалгӏайчен столице дӏадоладелар «Фермерий ишкол» яхача дешара кхоалагӏа дакъа, цу проекта чудоагӏаш да хьалхале лелаеча ахархой вузашка деша багӏа студенташ теоретически кхетам луш ӏомабар, дикача предприятешка шоаш хержача специальностех бизнес-планаш лелаяр.
«Кхетаче хьаеллаш гулбелар балха говзал йола фермераш, лаьрххӏача тӏема операце доакъашхой, иштта юртбоахама болх лелабе лаьрхӏараш. Россельхозбанка, Россе юртбоахама Министерствос цхьана дӏахьош я из дешара проект. Из лаьрхӏа я пайда луш йола агробизнес дӏайолаяра, цу юкъеваьккхав «Агрономи», «Зоотехни» яхача говзалех 30 саг, царех 12 - СВО доакъашхо, цар дезалаш. Шин бетта ах бетта доакъашхошта лургба 150 сахьата теоретически кхетам, 100 сахьата – болх шаьрбергба. Дийша боалаш, студенташта паччахьалкхен кепара дипломаш лургда», - аьлар хоамо.
«Фермера ишкол» яха дакъа республике дӏадоладеш хилар, из аргӏанара дешара хьал хинна ӏац, из боккъонца тахан эшаш да вай республикан юртбоахама даькъ тӏа. Ший оагӏорахьара, Гӏалгӏайчен юртбоахама Министерствос дӏахо проект арахецарашта масса оагӏорахьара новкъостал лоаттадергда», - аьлар Гӏалгӏай Республикан юртбоахама, кхачан министра Гаьгенаькъан Мухьмада.
Гӏалгӏай Республике гӏолла йолча Ставрополерча Банка филиала кулгалхочо Курскенаькъан Рустама терко тӏаяхийтар, юртбоахама таронаш совъяхара болхлой кийчбе безаш хилара.
«Оаха, Россельхозбанке, дика кхетаду: кредиташ, субсидеш - из лоархӏаме таро я, бакъда кӏоаргга профессиональни хьал довзаш ца хилча, е дика вӏашагӏъелла бизнес-план ца хилча, эггара дикагӏа дола хӏама а дӏадодаш хилац. Къаьстта цудухьа ӏомабу оаха фермераш», - аьлар тхоца къамаьл даьчо.
ГӏР юртбоахама, кхачан министра гӏончас Цхьорой Ибрахӏима белгалдир, вай республике цхьа проект «Фермерий ишкол» санна наха юкъе яьржа хиннаяц, хӏана аьлча тха таро я пайда луш бола юртбоахама болхлой хьалкхебе.
