ГӏалгӀайчен дешархошта дийцар, гӀалгӀай мотт лорабара лоархӀамах
ГӏалгӀай паччахьалкхен филологически факультета гӀалгӀай метта кафедро дӀайихьар лаьрххӀа йола «ГӏалгӀай мотт - халкъа са» яха кхетаче, из хилар Эккажкъонгий-Юртарча №6 йолча ишколе. Хургболча абитуриенташта ИнгГУ лакхара дешар дешара йола таронаш малагӀаш я довзийтар. Университета викалаша царна къаьгга дийцар кийчонах лаьца, вузе деша отташ дӀадехаш долча керттерчарех.
«Университета студенташа, дешархой дукхача хаттарашта жоп делар, иштта шоай гӀалгӀай меттацара, культурацара безам царна дӀабелар. Кхетаче безаме а, дукха хьаэца хӀама долаш а хилар, дешархошта дукха хӀама дайзар цигара, гӀалгӀай меттацара безам совбоаккхаш къамаьлаш хилар», - аьлар «Сердало» газетага из кхетаче вӀашагӀъеллараша.
Тхога хоам баьчо белагалдир, цу тайпара кхетаченаш пайдане я кхувш йоагӀача тӀехьенна, цар шоашта хьалхара дӀахо дӀабахьа беза никъ белгалбара, лакхера дешар дешара хьал дикагӏа кхетадара, иштта таро лу къаман культура, мотт дегӀакхувлара.
