Дешархоша аллея хетаю Россе хьехархошта
20.10.2023 15:48
Шолжа кхален ГӀажарий-Юрта №3 йолча ишкола дешархоша лаьрхӀар, ишкола доазон тӀа аллея е. Из цар хетаю республикан хьехархошта санна, Россе берригача хьехархошта а. Цу гIулакха вӀашагӀкхийтта, цар дӀаегӀар 12 хьеха га.
Тха-тхоай аллея хургья, хьехархошта хетаяь», -йоах, доаккхал а деш, бераша.
Из да а да ший тайпара хоза совгӀат. Цкъа-дале, хоза дагадеха хӀама да гаьнаш дӀайогӀар. ШозлагӀа-дале, царна дагадехачо моллагӀа а гӀадвугаргва. ХӀаьта, кхозлагӀа-дале, дукхача шерашка латтаргдола совгӀат а да.
Мел дукха шераш дӀаахарах, дешархошта а иштта хьехархошта а шоайла безам совбоаккха дагалоаттам хургба цу гаьнех.
