Гӏалгӏайчен дешархой дакъа лоацаш ба, «Хьалхарчар меражгаш» яхача Ерригроссийски боламе
19.09.2025 10:33
Гӏалгӏайчен дешархой дӏакхийтар «Хьалхарчар меражгаш» яхача Ерригроссийски боламах, цо тӏахьех дийнатий йоакхо яра, яхаш, дийцар «Сердало» газетага Гӏалгӏай Республикан «Хьалхарчар болама» бувзамаш лоаттадеча Налганаькъан Рамзана.
«Хьалхарчар Кхело аларах, республикан юкъарча дешара моттигашка дӏадихьар говзанча хьехамаш, цига къонача хьинардараша шоай кулгашца цискашта лаьрхӏа дола ловзоргаш кийчдир. Цо таро елар берашта, доал де саг воацача хьайбай йоакхо яр эшаш долга кхетаде. Болам вӏашагӏбеллараша дӏаделар деррига ловзоргаш хьайбаш леладеча моттиге, цига хӏанз царца сакъердаш да «ховха кетараш» ювхараш», - аьлар хоамо.
