«Хьалхарчар болам» яхача оагӀоно, Россе ЦӀеча ЖӀарго дӀахьош хиннача яхьашка шоай дешара моттигаш дӀахьокхаш хилар 10 тоабанна чувоагӀа 50 доакъашхо. Кхаь оагӀонца шоай говзал гойта езаш бар дешархой: тестех латта декхараш, «Буфете нийсденнар», «Урам тӀа нийсденнар», - йоах тхогарча хоамо.

«Хьалхарчар болам» яхача оагӀонна кулгал деча Албохчанаькъан Маринас белгалдечох, моллагӀча хатара юкъе човхаваьча сага эггара хьалхара новкъостал деш йолча, Москве дӀахьоргйолча ерригача Россе чемпионате дакъа лоацаргдола дешархой хьахоржаргба цар тахан дӀахьоча яхьашка гӀолла. Котало яьккхараш - Эбарга-Юртарча №2 йолча ишкола дешархой. ШоллагӀча моттиге хилар Наьсарера № 6 йола ишкол, хӀаьта кхоалагӀа  моттиг Шолжа-Шахьарерча № 1 йолча ишколага кхаьчар.