Кадай хила ловш ба вай мехкара дешархой
12.08.2024 11:18
«Хьалхарчар болам» яхача оагӀоно дӀайихьача «Сакъердамеча яхьашка» дакъа лаьцар Шолжа кхален дешархоша. Из хоам «Сердалога» бир «Бералла наькъаш» яхача ерригача Россе проекта зарбан болх лелабераша.
«Цу кхетаче берашта хьалхалатташ вар Шолжа кхален вахара лостамга хьожаш вола Евкуранаькъан Расул. Шоай дегӀа физически хьал тоадеш хилар Илдарха-ГӀалий тӀара, Шолжа-Шахьарера бераш», - йоах тхога кхаьчача хоамо.
Ахкан тӀехьарча бетта шоллагӀча шоатта дийнахьа дӀакхухьаш да вай мехка физкультурника Ди.
1939-ча шера денз, «УнахцӀенача дегӀаца- унахцӀена са» яха дешаш керте долаш, хьадахьаш да из вайна юкъе.
