Ишкола музейна совгӀата дӀаелар, Як-9 яхача фецарча кема оатхал
Укх деношка, ТӀой-Юртарча №4 йолча ишкола музейна, ГӀалгӀай Республикан «Къонача эскархошкара» совгӀата --дӀаелар Як-9 яхача фецарча кеман цхьа оатхал, из да Сийлахь-боккхача Даьймехка тӀом лаьттача хана, советски летчика, Россе Турпалхочун Оздой Ахьмада Мурада лелаяьча самолётах диса цхьа дакъа, аьлар ГӀалгӀай Республикан кагирхой туризма Министерстве.
«Из оатхал дӀаялара кхетаче вӀашагӀъеллаяр, Даьхен турпалхой Ди хиларца дувзаденна. Из вай мехка белгалду 9-ча дийнахьа. Из дӀаялара къаьстта хержаяр №4 йола ТӀой-Юртара юкъера ишкол, из я цӀихезача тӀема ветерана Оздой Мурада цӀи лелаеш», - дийцар тха газетага.
Белгалду, цу миха кемах диса из цхьа дакъа корадаьдар Псковски областе. МоастагӀчо чудахийта, хи чу дежад из, бакъда говзал йола лётчик кхоаваьв парашютаца чура аракхоссавала.
