Наьсарера бокъонаш лораераш тохкаш ба, моттигера вахархо ве лаьрхӀа даь зулам
ГӏалгӀай Республике гӀолла йолча Россе СК СУ Наьсарен -Шахьара тохкама отдела хьадийллар саг ве дагахьа зулам даь хиларца дувзаденна гӀулакх, яхаш, дийцар ГӏалгӀай Республике гӀолла йолча тохкамхой комитета зарбан болх лелабераша.
Цар яхачох, 2026 шера наджгоанцхой бетта 16-ча дийнахьа, «Кавказ» яхача федеральни наькъ тӀа дов даьннад. Цхьан хана шоайла дов даьнна хиннача кӏийлен тӏа, зуламхочо герз техар 36 шу даьннача сага. Бакъда из саг цох ца леш висар, сиха ГӏалгӀай республикански дарбанче дӀавигар. Карарча хана лораш шоашта могар деш ба, цунна массайолча оагӀорахьара дарба деш.
Герз техар цу моттигера ведда дӀавахав. Хӏанз бокъонаш лораераш из вола моттиг тохкаш ба.
Из гӀулакх ма дарра довзара, цига хьакхаьчар тохкама урхаллен кулгалхо Асхабов Ахьмад. Цо кулгал а деш, массехк дикагӀа балха говзал йола тохкамхой, эксперташ-криминалисташ из болх дӀахьош ба. Цу юкъе царна корадир цхьацца дола тешалаш, суда экспертиза а дӀахьоргья, цар таро лургья хинначун бӀарчча сурт оттаде.
