Музея-заповедника болхлоша белхий бир Тӏаргима даькъ тӀа
13.11.2025 15:01
Жӏайрахьа-Ахабоарзен паччахьалкхен историко-архитектурни, иштта Ӏалама музея-заповедника болхлоша Тӏаргима историко-архитектурни комплекса даькъ тӀа белхий бир.
«Ӏалам лорадара болама чудоагӀаш, доакъашхоша дика цӀенйир цу комплекса моттиг хьаӀайна, нувхаш дӀайоахаш. Еррига нувхаш дӀахо чакхъяхара дӀайихьар. Барт болаш, цхьана дӀабихьача балхо заповедника доазон тӀара хьал дика тоаде таро елар», - аьлар «Сердало» газетага белхий доакъашхоша.
Кхетаче чакхъяьнначул тӀехьагӀа, кхайкарал дир заповеднике ухача нахага, цу урхаллен кулгалхочо Сампенаькъан Ахьмадхана, иштта сийленгаш лорадара Ӏалашон отдела заведующе Гӏуражанаькъан Заьудина. Цар тӀахьийхар салаӀа ухараш нувхаш шоашта тӀехьа гулъяра, Ӏалама зе цадара.
