Республикерча вахара ганза болхлой, дегӀа могашал эшаенна бераш долча баха хилар
30.05.2025 14:18
Бераш лорадара Денна хетаяь кхетаче дӀайихьар республикерча вахара ганза болхлоша, дегӀа могашал эшаеннача бераша дешача моттиге. Из хоам бу «Сердалога» цу оагӀон зарбан болх лелабераша.
«Дукха уйла яь, берашца шоашца дагаваьнна, эца лаьрхӀар царна совгӀаташ Россе моттигерча вахара Ганза хьалха латтача Йовлой Зубейрас. Микрофонаши, аудиогӀирсаши делар РЦДОна. Нашидашка, иштта кхыдарашка ладувгӀа аьттув ба хӀанз берий», - дийцар «Сердало» газетага.
Йовлой Зубейрас белгалдир, уж хӀамаш берий начӀал гучадаккха дикка накъайоалаш хургйолга. Берашца Ӏадика ювцаш, могаш-маьрша долаш, иразе, аьттонца даха даькъалабийцар цо уж, цигарча болхлошта а доккха баркал аьлар, иштта беркате гӀулакх леладарах.
