СВО бӏухошта 12 тонн кхача бахьийтар мехкарча УФСБ болхлоша
Тӏема аренашка лелача вай бӏухой оагӏув хьаллоацаш ба УФСБ болхлой.
«Къаман фронт. Деррига а Коталонна!» яхача проектага гӏолла, вай бӏухошта 12 тоннага кхоачаш ханахьа талхаш боаца тайп-тайпара кхача бахьийтар цар.
«Тӏема аренашка лелача бӏухошта яа атта хургйола хӏамаш я уж. Из тайпара терко хьалха массехказа яьяр УФСБ болхлоша. Шоашта могачох мехках, цӏенах хьегаш лелача вай къаман къонгий оагӏув хьаллоацаш ба уж. Укх деношка ӏокхоачаргья уж хӏамаш ийца йода машин», - дийцар «Сердалога» Къаман фронта моттигерча оагӏонна хьалха латтача Тенканаькъан Башира.
СВО доакъашхошта гӏо деш хиларах, доккха баркал аьлар президентски болама хьинардараша Россе ФСБ моттигерча оагӏон болхлошта. Цхьана хиларца мара аьттув балац лаьрхӏачунга кхача. Коталонга бодача наькъ тӏа лоархӏаме да из.
