«Укх шера, «Сафмар» ганзо хьал а лоацаш, цу ишкола дешархоша цецваллал чӀоагӀа болх баьб. Хьалхарча аргӀагӀа белгалде дезаш да, цу тоабо, Ӏома а баь, шозза арахийцар кхераца къахьега ховш бола   пхьараш, уж ва 12 саг, хӀанз чуийнна болх беш а ба уж.

ЛоархӀаме хилар вай мехка Жӏайрахьа кхален доазон тӀара ши гӀала тоаяр», - аьлар «Тӏехьале» яхача ишкола  керттерча кулгалхочо Султиганаькъан Рамзана.

Лоаццача хана, вай мехка хьакхеллай дӀадахача бӀаьшерен бахархой  вахар гойташ йола музей, цига го йиш я къаьнара мебель, кӀувсаш, кӀудалаш.

Пхьуй архиологе экспедице кулгалхочо Тӏонганаькъан Мухьмада яхачох, эггара чӀоагӀагӀа царна карагӀдаьннар да Жӏайрахьа кхален тӀа тохкамаш дӀадахьара бокъо енна хилар. Белгалде деза, РФ культуран Министерствос  хьалхара луш дар цу тайпара, ГӏалгӀайченна бӀарчча кхален тӀа тохкама болх дӀабахьа  бокъо луш дола  каьхат. Хӏанз денз говзанчий бокъо я цу моттиге  тохкама балхаш дӀакхахьа.