2022-ча шера дӀайолаяь яхьаш Ӏилма доаржадара хетаяь, аналитически журналистика хьаллоацаш, кагирхой дегаш ураоттадеш яр. «Дунен экономикани технологически оагӀон гӀулакх даржареи керттерча кхоачамбоацарех бола дикагӀа бола аналитически болх» яхача номинацех белгалъяьлар вай мехкахо Берсанаькъан Зейнап. «Тахан оаха даькъалабувц, ерригача Россе дӀайихьача студентий Ӏилман балхах йолча яхьашка котбаьннараш. Тха керда, къона болхлой, геттара лоархӀаме йолча яхьашка дакъа лаьцад оаш тахан. Лакха мах бола балхаш гойтар оаш тхона, Ӏилман гӀулакхе шоашта хьинаре къахьега ховлга хьахьекхар. Укх гӀулакхе хьалхадаларца даькъаладувц аз шо», - белгалдир, котбаьннарашта совгӀаташ дӀалуш, Россе исторически гуллама клгалдеча Нарышкин Сергейс. Укх шера яхьашка дакъа лоацаш хилар мехка 30 моттигера 70 студенчески тоаба.