ИнгГУ студенташа дийцар, ГӏалгӀайче Россех дӀакхетар мишта хиннад
ГӏалгӀай паччахьалкхен университета исторически факультете Ӏилман семинар хилар, халкъа цхьоагӀон Шу хилара хетаяь. Цига къамаьл дир кхетачен юкъе дика дакъа лоацаш хиннача шоллагӀча курса студенташа. Дийца керттера дош дар ГӏалгӀайче Россех дӀакхетар.
«Семинар дӀахьош, хургболча историкаша докладаш йир, цига хоадам болаш къоастайир исторен оагӀонаш, гӀалгӀай къам Российски паччахьалкхенах дӀакхетар мичахьара хьадоагӀаш да, цун керттера денош, юридически оагӀонаш йийцар, иштта белгалдир из вахара-экономически, культуран оагӀорахьа мохк дегӀабара мишта накъадаьлар», - аьлар «Сердало» газетага ИнгГУ.
Доклад еш хиннараша архива материалашца болх бир. Цо таро елар, хиннар дувцарал совгӀа, цун кӀоаргга мах оттабе.
Кхетаче хиннача къамаьло хьагойтар, цу тайпара темаш ювцаро дикагӀа довзийташ хилар къамашта юкъера гӀулакхаш, вай мехка къамий цхьоагӀо.
