Белгалду, из кхетаче вIашагIъеллараш дешархой шоаш хилар, 4-ча курса студентка Доврбиканаькъан Джамалея новкъосталца.

Юххьанца цар гойтар къаман халхар. Цунна юкъедоагIаш дар «Мехкарий», «Цхьана» яха ши ловзар.

Боккхача безамца хьежар «Инопланетянаш» яхача КВН командага, цар хIара мел гойташ хинна хIама таханарча заман хьал чудоагIаш яр.

Къонача солисткас Овшанаькъан Дале уйлангахьа бахийтар ладувгIаш хиннараш? «ДIайха цискаш» яха композици дIахьош.

ГIордаде дешара моттига викалашта лаьрхIа викторина йир, цига котбаьннарашта мерза хIамаш елар.