ИнгГУ студпрофкомо дешархошца салаIара кхетаче ергья
19.05.2025 00:12
Республикерча Паччахьалкхен университета дешархой профсоюзни комитета Наьсарерча дешархошта лаьрхIа кхетаче дIахьоргья. Из хоам «Сердалога» бир цу оагIон хьалха латтача ТIумхой Хьавас.
«Кхаьрача дийнахьа нийса сахьат даьлча, дIайолалургья кхетаче. Эггара хьалха викторинашка дакъа лоацаш хургба дешархой. Шоай говзал гойта совгIаташ даха йиш я цига, цул тIехьагIа, истола тIа дакхухьача ловзарашка дакъа лоацаш хургба уж. Кофе менначул тIехьагIа, волейболах ловза спортзале гуллургба берригаш», - дийцар тха газетага.
Самукъа ха дIаяхьарал совгIа, студпрофкома доакъашхошца бувзам чIоагIбе, цар тоабах дIакхета дика аьттув ба из.
