«Шолже» яхача теплицай моттиго кхедергда 15 эзар тонн баьцадаараш
ЙоккхагIчарех цаI йола теплични комплекс я ГIалгIайчен «Шолже», из хIанз хьалъяь яла йоалл. Цу агрокомбинато дIалоац 22 гектар доазув, из хургья мехка агропромышленни комплекс дегIайоалаяра йола йоккха майда. Цо Iалашо лоаттаергья 300 совгIа балха моттига, 15 эзар тонн совгIа баьцадаараш арахецаш, яхаш, дийцар ГIалгIайчен Кулгалхочун, Паччахьалкхен зарбан-болх лелабераша.
«Из проект йистеяргья карарча шера, цо таро лургья вай бахархошта бIарччача шера керда баьцадаараш лоаттаде. Из комплекс даим дика болх беш хургйолаш, хьалъеш я цун юххе подстанци «Тихая», цо цун эшаш йола ток лоаттаергья», - аьлар цу боахаме.
«Шолже» агрокомбинат йоккхагIа йола хIама кхоллар я; цул совгIа, из лаьрххIа гIа баккхар а да ГIалгIайчен кхачана кхерамзлен Iалашо яра, юртбоахама таронаш совъяхара. Республикан кулгалхоша белгалду, инвестицеш юкъеяхар, керда производстваш хьакхоллар, бизнеса хьалаш дегIадоаладар даим теркама юкъе да.
Шера 5 эзар тонн помидораш арахецаш йола теплица комплекс болх бе йолаелар 2019 шера. ХIанз цун шоллагIа дола дакъа юкъедаккхаро таро лургья, предприятеш лакхача боарам тIа яха, Къилбаседа Кавказа баьцадаарий даькъ тIа.
