РФ Президентагара даькъалаювцаш дола каьхат дIаделар бIухошта тIема ханашка гIо деш хиннача мехкахочунна
30.10.2025 09:33
Шолжа-Шахьарерча хьакимаша РФ Президентагара, яьча денца даькъалаювцаш, каьхат дIаделар тIема бирсача шерашка моастагIа вохавеш лаьттача бIухошта гIо деш хиннача Сайнарой Оарцхой Райшатага. «Сердалога» из хоам бир шахьара мэре зарбан болх лелабеча Батиганаькъан Хьавас.
«95 шу дузача дийнахьа, хозача дешашца Райшат даькъалаювцаш каьхат да Россе Президентагара Путин Владимиргара денар. Мэре болхлой баьхкар из каьхат дахьаш, цунца багIа, къамаьл де. Райшата доккха баркал аьлар массанена ше дагайохарах», - дийцар тха газетага.
Администраце болхлоша а хьаллоац из гIулакх. Иразе, беркате, могаш-маьрша болаш бахалба Коталон ди гаргадоаладара тIехьа гIо деш лаьтта вай къоаной.
