Гӏалгӏайчен бахархоша Соче дездир, халкъа цхьоагӏон Ди
Гӏалгӏай Республикан бахархоша Соче дӏайихьар халкъа цхьоагӏон Денна хетаяь кхетаче, из хӏара шера белгалдеш да вай мехка лайчилла бетта диълагӏча дийнахьа, яхаш, дийцар «Сердало» газетага из болх вӏашагӏбеллараша.
«Паччахьалкхен цӏай хиларах, Сочера паччахьалкхен университет, шахьара къаман юкъарло, Краснодарски края «Къаман-культура «Вайнах» яхача центра юкъарлон организаце дакъа лоацаш, Фестиваль вӏашагӏъеллар. Из цӏай дӏахьош, сцена тӏа арабаьлар тайп-тайпара къаман гӏирсаш гойташ бола кагирхой. Хьаьший таро хилар цу хозача суртага хьажарал совгӏа, цун боагӏаш бола мах оттабе а. Гӏирсашка хоалуш дар къаман ӏадатий оагӏонаш юкъеяьха хилар, шоай хозала оагӏонаш гойташ хиларца. Хьаьшашта иштта йовзийтар Кавказа къамий культура, цар халхараш, ашараш, из болх дӏахьош хилар артисташ», - аьлар хоамо.
Цул совгӏа, «Вайнах» яхача Къаман-культуран центро, шийна кертте Малсаганаькъан Аюп волаш, ӏилмай доктора, профессора Дзараханаькъан Зейнапа дакъа лоацаш, дӏайихьар кхетаче. Вай республикал арахьа а дика йовзаш йола «Истинг» яхача пхьоаллен говзанчий кӏувсаш дар цига гойташ хиннараш.
