Укх деношка дӀакхелхар гӀалгӀай йоазонхо, гӀишлонхо Матенаькъан Ӏаббас
ГӏалгӀайчен Паччахьалкхено хоам бу Метенаькъан Ӏаббас - начӀал дола йоазонхо, цӀихеза гӀишлонхо, Россе юртбоахама рекордсмен, боккхача дезала да кхалхарах.
Ӏумара Ӏаббаса, деша говзанчас, ГӏалгӀайче дегӀаахара «архитектора» санна шийна тӀехьа мехка исторен чухьа ший лар йитар. Цо дика дакъа лоацар республикан столица - Магас хьалъеча, иштта цӀихеза вар беш дика лелаеш хиларах, цо кхебора боккхий сомаш, цох бола хоам Россе рекордий книжка тӀа бар.
Йоазонхо ваьвар 1946 шера Казахски ССР Кокчетаве - цу хана гӀалгӀай къам мехкахдаьккха Ӏодахьийтадар. Из Россе йоазонхой Союза доакъашхо вар. Матенаькъан Ӏаббас довзаш долча «Лаьттан кхайкар», «Сатем» иштта кхыча книжкай автор ва.
Цул совгӀа, Матенаькъан Ӏаббаса 12 дезалхо кхеваьв - 9 воӀ, 3 йоӀ.
«Сердало» газета болхлоша дег чура кодам бу Матенаькъан Ӏаббаса дезалга, гаргарчарга. Дала гешт долда цунна.
