Ишколашка театраш хьадеш латт
В Ингушетии по линии реализации проекта «Школьные театры» в 110 образовательных учреждениях из 138 созданы школьные театры. Эти достижения превышают показатели плана на 2022-2023 годы, подготовленные Всероссийским центром развития художественного творчества и гуманитарных технологий. Об этом Главе РИ Махмуду-Али Калиматову сообщила вице-премьер — министр образования Эсет Бокова, информировали газету «Сердало» в пресс-службе руководителя региона.
«Ишколера театраш» яха проект вай къаман гIулакха тахан геттара эшаш яр. 2022-ча шера дIаболабир из болх ерригача Россе. 2024-ча шера еррига дешара моттигаш чулаьца хила езаш я из проект.
Хила дезарашкара дIаболабир оаха юххьанца тхоай болх«, — белгалдир министра.
Цо аьлар, лакха начIал дола актёраш, режиссёраш хинна дIаотта аьттув бола бераш эггара хьалха хьехархошта гучадоал.
Тахан эггара хьалхарча аргIагIа цу берашца нийсса болх дIабахьа хьехархой Iомабеш да тхо. Цар къахьега дезаргда, кхоллама уж юкъеозаш, могашал эшаеннача берашца а.
«Ишколера театраш» яхача проектага гIолла шоаш дIахьоча балха юкъекхухьаргда цар таханарча наьха вахарера кхоачамбоацараш.
ГIалгIайи эрсийи ишколашта лаьрхIа йолча программашта юкъедолхаш дола йоазош кIоаргга Iомаде дезаргда дешархой.
Ерригача Россе дIахьош йолча «Ишколера классик» яхача проектанна чуйодача «Театрера кхоллам» яхача программан кIийлен тIа Iомалуш ба тахан хьехархой кхоллама балха кIоаргаленаш йовза. Сцена тIа къамаьл дувца хар, волавалар, театральни культура, актёра говзал — уж деррига хIамаш довзаш хила беза уж.
Из болх дикагIа дIагIоргболаш, моттигашкара театраш ишколашкарча театрашта тIахьожаш хила деза, аьлар Мехкадас. «Россе президента Путин Владимира йоккха терко еш проект я из.
Ишколера театраш яха оагIув хьакхолла эггара хьалха могадаьр а Путин Владимир ва. Цу проектаца къахьегача хьехархошта тIалатта эггара лоархIамегIа дола декхар — берашта шоай культура дIайовзийтар, лоархIамедараш къоастаде Iомабар, цар начIал гучадаьккха, кхоллама наькъ тIа къахьега уж бахар. Вай театрашкарча актёраша, режиссёраша тIахьожам лоаттабеш, ца ховча хIаман тIехьа гIо де деза царна», — белгалдир вай Мехкадас. Ерригача Россе хьаллаьца дIахьош проект я из.
