2022 шера, ГIалгIайчера, фекемаш дIагIоргда Самареи, Сочеи, иштта Тюменеи
Доставку пассажиров по новым направлениям осуществят две авиакомпании в первом полугодии 2022 года.
ГIалгIай Республика кулгалхочо Келматанаькъан Махьмуд-Iаьлас яхачох, из дош дувца доладаьдар 2019 шера, пандемия доладалалехьа. Хьалхле яр дукхагIа эшача маршруташта, ГIалгIайчен студенташи бахархойи дукха хиларца кхыча регионашка бахаш а болх беш а.
«2022 ш. бекарга бетта 1-ча дийнахьа дIайолалу, хIара денна Тюмене уха рейс, сели бетта 1-ча дийнахьа «Магасера» Самаре йода рейс хургья, из кIира шозза хургья. Аьхкий, туристий сезонах, мангала бетта, ГIалгIайче-Сочи яха авиарейс шозза хургья кIира», -аьлар региона кулгалхочо.
Белгалдаьча фе лостамаша тоадергда республике хьакхачара дола хьалаш, иштта гIо дергда кхыча субъекташцара балхийи гIишлонийи бувзам лоаттабе. Цар догдайт, дега ондало лу туристаш совбалара, цунца Республика экономически пайда луш дола гIо- новкъостал хул.
Хоам бу, Сочи, Тюмень яхача маршрутех барт ба авиакомпанешца «ЮТэйр», хIаьта Самаре, пассажираш дIакхувларгба «Ред Вингс» авиакомпане фекема. ДIахо дIайодача хана ГIалгIайче лаьрхIад, республикера дIайолха авиамаршруташ дукхагIа хилийта.
