2023-ча шера ГIалгIайче дIадувш дола лаьтташ 71,4 эзар гектарага кхаччалца хургда
Власти республики намерены в 2023 году увеличить площади посевных земель на тысячу гектаров. Сегодня пашнями занято в республике 70,4 тысячи гектаров земель сельскохозяйственного назначения, информировали газету «Сердало» в пресс-службе кабмина региона.
Таханарча денна республике дIадувш дола лаьтташ 70,4 гектарага кхоачаш да, къаьстта юртбоахама оагIорахьара дараш дIалаьрхIача аьлар «Сердало» газетага региона министрий кабинета пресс-служба.
ХIанз укх хана, Iан кIала дIадувш дола ялат да дIадувш латташ, фу лаьттана кIала дижад 70% дIадувш долча лаьтта, ГIалгIайчен АПК болхлой а говзанчаш а из беррига болх йистебаккха лаьрхIа ба 15- гIча лайчилла кхоачаш. Цар лаьрхIад 26,6 эзар гектар дIае, царех Iан кIала дIадувш долча ялата лаьрхIа хьакъоастадаьр 17,6 эзар гектар я, Iана кIала дIабувш бола мукх — 9,1 эзар, тритикале — 0,1 эзар гектар.
«2022 шера ГIалгIайчен аграреш боккха хьувкъам гулбаьбар Iана кIала дIадувш долча ялата культурех — 100 эзар гаргга тонн, хIаьта дIадахача шера из цифра 54 эзар тонн мара яцар.
Из болх лаьгIбалийта йиш йолаш бац, хIана аьлча, хьатIадоагIача шера лаьтта дIадувш йола моттиг массехк дукхагIа хургйолаш я. Из доацаш а, Россе Правительство 2022 шера гулбаьча ялата хьувкъамга хьажа регионашта тIадиллад хьатIадоагIача шера ялат дукхагIа чуэцара дола декхар», — аьлар ГIалгIай Республика премьер-министра Сластенин Владимира, ГIалгIайчен юртбоахама хьалхарча аргIах кхоачашде дезача декхарашта мах оттабеш.
Хоам бу, Россе столице РФ Правительства заседани хилар, цига Россе юртбоахама министерства тIадиллар 2022 шера ялат чуэцара, Iана кIала дIадувш дола ялат дIадер болх региона профильни министерствашца цхьана вIашагIболлар.
Цул совгIа мехка юртбоахама Министерства маьхалъяккха езаш я паччахьалкхен новкъостал дара йола программа, аграреш юртбоахама техника а, оборудовани а ехаш дола хаттараш кхоачашдара лаьрхIа.
Республика премьер-министра белгалдир, республика федеральни центро массаза а хьаллоацаш хилар, цунна юртбоахама программа маьхалъяккхара новкъостал а деш. Цо белгалдир, регионе ка болча ялатаца шийна а наха а Iалашо яра цунна йоккхий таронаш хилар, цудухьа из керттерча декхарех цаI да.
ХьалхагIа хоам баьбар, Назране 2024 шу хьатIадалехьа хьалхара элеваторни комплекс хьалъергъя аьнна. КIа лорадара лаьрхIа. АПК керттера декхар хургда, кIа хьаэцар а из лорадар а рознични оалача хьисапе из юхадохкара.
