ГӀалгӀай къаман
юкъара газет

Кердадараш

ГӀалгӀайче 2024 шера ткъаь итт гаргга никъ тоабергба

ГӀалгӀайче 2024 шера «Кхерамзлен дика наькъаш» яха Россе президента Путин В.В. хьалхашка оттадаьча декхарах йола къаман проект кхоачашъеш, ткъаь итт гаргга никъ тоабергба, яхаш, хоам бу «Сердало» газетага мехка кулгалхочо.

«Карарча хана пхи километр бӀаьха бола «Заьзгакъонгий-Юрт-Махьмад ХитӀе-Моздок яха машина никъ тоабаьб. Из чӀоагӀа эшаш бар социальни даькъе республикан бахархошта, хӀана аьлча цига гӀолла бувзам болаш ба гӀалгӀай никъ лоалахарча республикаца», - аьла республикан Кулгалхочо Келаматанаькъан Махьмуд-Ӏаьлас, ше цу гӀулакха мах оттабеш.

Цо белгалбаьча наькъ тӀа говзанчаш а болхлой а къахьегаш ба никъ дика, чӀоагӀа хилийтара, иштта тайп-тайпара наькъа гӀармаш а оттаергья. Ханаш дӀаяхарга хьежжа никъ беха хиларах, дукха кхоачамбоацараш дар цу наькъ тӀа, тоа ца бича баргбоацаш бар из.

Махьмуд-Ӏаьлас белгалдир, ше нахаца къамаьл деш, 2024 шу чакхдалале, никъ беррига а тоабаь баргба, дика а кхераме боацаш а хургба из массаболча наькъахошта.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде