Шолжерча ӏаьдала комисси хьежар 2025 шерарча 209 кхоачамбоацарга
27.11.2025 15:54
Шолжен мэре ӏаьдала комисси хьежар 2025 шера нийсденнача 209 кхоачамбоацарга. Балха чаккхе йир барайттлагӏа кхетаче дӏахьош, шахьара кулгалхочо Ӏумаранаькъан Аслана кулгал деш. Цу тайпара хоам «Сердало» газетага мэрера.
«Тӏеххьара кхетаче дӏахьош, ювца оттаяьяр 9 моттиг, уж тохкаш дӏахьош хиннача балха 141 эзар сом гӏод техар. Дукхагӏча даькъе цига хинна кхоачамбоацараш дар рекламаш, объявленеш, иштта афишаш ца йоагӏача моттигашка лелаярца, нувхашца дувзаденна хьал лорадеш цахиларца дувзаденна», - аьлар хоамо.
Тхога хоам баьчо яхачох, 11 бетта ӏаьдало техкар 2010 гӏулакх, хӏаьта гӏод тохара боарам кхаьчар 1 575 000 сомага. Из ахча дӏадохьийтаргда шахьар тоаяра гулакха.
