«Укх бетта 27-ча дийнахьа дездеш долча берий бешамашка къахьегача болхлой денна хетадаь дар из вашагӀкхетар. Шоай болх дика дабахьарах, баркал оалаш дола каьхаташ делар болхлошта. Массар самукъадоалаш, хоза дадахар из ди», - йоах тхогарча хоамо. «Къаьстта берий беша Ӏомаю моллагӀча бера ший хьалхара оамалаш, цунга хьежжа, чӀоагӀа бехктокхаме, сабар, сатем эшаш болх ба из. Оаха доккха баркал оал цига къахьегарашта, шоай гӀулакх цар дика леладарах! Аьттув, ираз долаш дахалда шо!», - аьлар культуран цӀен болхло йолча Йовлой Хяде.