«Олимп» яхача моттиге, дӏахьош ӏилман кӏир да
«Олимп» яхача начӏал долча берий лицее ӏилман кӏир дӏахьош ба. Ӏомадаьр юха шаьрдарал совгӏа, биологи, хими, физика, географи берашта геттара езаялийта хьажа безаш ба хьехархой. Йийлла урокаш дӏайихьай цу моттиге.
«Хьехархочо Чахкенаькъан Лейлас кулгал деш, химех атом хьаоттарца дувзаденнараш тохкаш хилар бераш. Урокашка шоаш ӏомадаьр балхаца чӏоагӏдеш, кӏоаргагӏа довзаш хилар уж.
«Земноводные» яхача оагӏонца дувзаденнараш тохкаш хилар Азенаькъан Азай биологи урока тӏа. Ӏаламца амфибеш малагӏа болх дӏахьош я хайра царна. Берригаш раьза болаш дӏаяхар урокаш. ӏилма довзар мел боккха, кӏоарга болх ба кхетадир бераша», - дийцар «Сердалога» цу оагӏонцарча министерствос.
Къона тохкамхой хила аьттув баьлар берий цу дийнахьа. Кхоанарча вахаре шоашта накъаяргйола професси харжа йиш яр цар, хӏаьта «Олимпе» цу оагӏонца боккха болх ба дӏахьош.
