Цу хатаре эггара хьалхарча юхьанца эшараш долаш дий техкар цар, цул совгIа, цIи йоаю машена паргIатта дIаяха никъ маьрша бий а хьажар. «Уж тайпара кхетачеш, тахан, хиланза яргйоацаш дIакхахьа езарех я! Кхуврче болх беча нахага дIахьокх оаха, иштта хатар иккха моттиг хуле, цар мишта хьовза беза, эггара хьалхарча юхьанца де дезараш малагIаш да. ХIана аьлча, доккхагIа дола дукъ, бехктокхам цу гIулакха кхуврче къахьегарашта тIа латт.

Царна ха деза, корзагIа баьнна ца а хьовзаш, цу моча хатаре чехкка де дезараш. Цудухьа, каст-кастта из деррига кердадоахаш бола болх дIакхухь оаха», —  аьлар, МЧС болхло волча, Тиймарзанаькъан Яхьяс. Хьоахаде деза, дIабахача бетта тIехьарча денгара дIаболабенна, укх бетта ворхIлагIча денга кхаччалца йолча хана, МЧС болхлоша дIайоаяьй вай республике ялх цIи, кIалхара ваьккхав пхи саг, итт сага гIо деш моттигаш хиннай, сага вахара човхам хинна моттиг Даьла къахетамаца нийсъеннаяц.