Къаман культура йовзийташ бар, Шолжа-Шахьарерча культуран Цӏагӏа хоржамаш деча
Шолжа-Шахьарерча культуран Цӏен доазон тӏа хьайийллача хоржамий моттиге, бӏарчча цӏай оттадаьд ала йиш яр. Гӏалгӏай къаман исторен, культуран хӏама довзийташ бар цига тахан.
«Хоржамаш яхар вай массане кхетаде дезаш боккха, кхоанен хӏама къоастадеш лоархӏаме болх ба. Дега тоам беш да хоржама моттиге иштта хоза тӏаэцаш хилар. Вай къаман истори, ӏадаташ дагадохийташ, хоржамашка дакъа лацар лоархӏамеча декхарех долга белгалдеш да из», - дийцар бахархоша.
Гӏалгӏай къаман кхоллама оагӏонцара хӏамаш оттаяьяр чувоаллача. Вай Даьхен истори дӏаьхий хилар белгалдеш дола, къаман тхьоврарча шерашка денз хьадахьа дувхар гойташ бар цига.
Къаьстта чӏоагӏа бӏарг тӏаэттар наьха Хамхой Лидияс ший кулгашца баьча балха. Вай къаман культураца, ӏадаташца дувзаденнараш довзийташ да доккха начӏал долча говзанчан балхаш.
Шолжа-Шахьарера бахархой дог айденна бар, из деррига гуш, шоай декхар кхоачашдаь баьнна цу хӏамашка хьежаш.
