Долакха-Юртарча № 1 йолча ишколе ахархой классаш хьайийллар
03.09.2025 09:42
Керда ахархой классаш хьайийллар, Долакха-Юртарча № 1 йолча ишколе. Юртбоахама гӀулакхашца дувзаденнараш довза аьттув ба хӀанз берий. Агронома, эколога гӀулакх Ӏомадеш, тохкаш хургба цу классашкара дешархой. Ишколан коа цхьацца балхаш дӀакхухьаш, чӀоагӀдергда цар шоаш Ӏомадаьр.
«Кердача программага гӀолла шоашта дайзар балхаца дӀахьокхаргда бераша. Цу юкъе хургда ишколан коара моттигаш баьццаръерзаяр, кхыдола балхаш дӀадахьар.
Юрташкарча дешархошта боккха аьттув луш, дукха хӀама довзийташ я ахархой классаш. Професси хоржача, вахара деношка шоашта накъадаргдараш Ӏомадергда цар», - дийцар «Сердалога» дешареи Ӏилмани гӀулакхех йолча Министерстве. Юртбоахама моттигашка къахьега ховш йола тӀехье ураоттаяра тӀехьа юкъеяьккха я из программа.
