ЦӀока тӀадуллаш йола операци дӀайихьар, вай республикерча берий дарбанче
Геттара йоккха чов еш кулг лозадаьча кӀаьнка, кхыча маьжений цӀокаца чов вӀашкаозаш операци дӀайихьар республикерча лораша. ЦӀагӀа салфеткаш хьадеш латтача гӀирсах лорацаваларах, кулг чӀоагӀа лозадаьдар цун. Говзача, шоай болх дика бовзача лораша дарба дика дарах, кулг тоадала доладеннад, кастта чуваха йиш хургья Ювсапа. Дарба дара гӀулакх мишта хилар дийцар «Сердало» газетага лакха начӀал долча травматолога-ортопеда Гарданаькъан ТӀахӀира. Из ва цун операци яьр.
«Бераш къахьега Ӏомадар, беркате хӀама да, бакъда цӀаккха а дицде йиш яц кхерамзленца дувзаденнараш! МоллагӀа хӀама тӀадуллаш хилча, бера ха, кхетам, низ малагӀа боарам болаш да теркалде деза вай. Из деррига лорадаро хатараш кӀезигагӀа хулийтаргда.
Лораде зӀамига бераш, цар унахцӀенонна зе де йиш йолча токацарча хӀамаех, дулх охьаш йолча машинех, иштта кхыдарех. Боккъал а тӀахьожам лоаттабе берашта!» - аьлар лор волча Гарданаькъан ТӀахӀира.
Дарбанчешка болх беча наьха Ди да тахан дездеш. «Сердало» газето даькъалавувц ТӀахӀир цу доккхача денца. Хам баь варгвоацаш да оаш хьегаш дола къа! Баркал хилда шоана адамий унахцӀенон гӀулакха латтарах, шоай декхараш дизза кхоачашдарах!
Могаш, маьрша долаш; иразе, аьттонца дахалда шо! Дуккха а дикахетараш хилда шун вахаре!
Цисканаькъан Надияй видео
