Планах доаггIача бесса, цIи яьнна хиларах хоам беш йола оаз лораш, чуIеш болча, гIишлон чу хьакхаьчача ученеш дIайолаялар.

ЦIи йоаеш бола говзанчаш, шоаш хьалххе а белгалъяьча моттиге хьакхоач, болх дика вIашагIбелла хиларга хьежжа цар дIаболабу кIалхарваккхара болх. Эггара хьалха цар де дезар да, цIи ялара бахьан мичахьара хьадолалу хар, цунца цхьа гIишлон чу Iеш бола нах ара а боахаш.

Цул тIехьагIа, ма-дарра, цIи йоаяра дола хаттараш кхоачашду цар. Укх наькъа вIашагIбелла хиннача балха юкъедоагIаш дар, граждански наха юкъе, цхьа саг хатар хинна хургволаш, сов дукха кIура хилар Iаткъаш дар цунна. Цунна, лораш хьакхачалехьа деш дола, новкъостал дир.

Уж деррига балхаш доаггIача бесса хьадаьдар.

Нах къалхарбоахача балха даькъа тIа, цIи ялара ше лоталуш хоам беш йола сигнал болх беш йий хара, иштта цIи яьнна хилара хоам беча система, цIи дIайоаяра йолча таронашта, нах цIерах кIалхара боахаш а цу гIишлон чура арабоахаш а йолча оагIонна — керттера терко тIаяхийтар.

«Белгалдаккха дезаш да, балхаца ювзаенна говзал белгалъеш дIахьоча хана, цунца лоархIаме хила везар, хIана аьлча, цIи яьнна моттиг нийсъелча, е кIурах, е цIерах кхеравенна хилча вехе хьовз саг. Цудухьа, цу даькъа тIа дIадехараш да, саг цунца бехктокхаме хилар», — аьлар ГIалгIай Республике гIолла йолча, Россе МЧС ГУ пресс-служба.